الجمل والحمار

من طرف **ناصر** السبت فبراير 12, 2011 7:57 am

]
..₪.. ..الجمـ ـل و الحمـ ـار ..₪..

كان يا ما كان يا مستمعين الكلام. حتى توحدوا الله.. لا إله إلا الله

كان من جملة الحكايات بأنه جمالة ( سائقين الجمال) من كثر ما حملوا على ظهر هالجمل وقام ظعف (ضعف) وهزل وتركوه في الخلا ( البر والخلاء ) ونزلو الحمل عن ظهر الجمل وحطوه ( وضعوه ) على ظهر الجمال الثانيات (الأخريات) وتركوه في الخلا

أجت ( أتت) قفالة (قافله) ثانية معهم حمار من جملة (مجموعة ) الحيوانات. لخرى (الأخر, بدوره) هزل وتركوه، هذوله(هؤلاء) في هالحرش (الغابه) صارن ( أصبحن ) يرعين ونصحهن (زاد وزنهن) وما حداش (لا أحد) شايفهن في هالشجر.

شو (ماذا) قال الحمار للجمل؟ . قال:

- إجا على بالي ( خطر بباله ) أغني.

قاله (قال له) الجمل:

- يا زلمة (رجل) هالقيت (الآن) إن غنيت بسمعونا وبيجوا (يأتو ) علينا وبنرجع مثل ما بقينا (كنا) قبل. خلينا (دعنا) مستورين.

قال له: لا بدي ( أريد ) أغني. يا راجل أجاك الله (بالله عليك) يا ابن الناس (يا ابن الناس الكرام).

قاله أبداً إلاّ (لا بد من) أغني. وما غنى حتى أجوه (جاءو) المراقة (المارين) . قالوا ايه والنبي هان (هنا) في حمار. يم ( لما ) طلعوا لقيو الجمل. أخذوهم. قالوا هذول ناصحات أخذوهن. هان الحمار صاروا يحطوا عليه حمله. مع طول المشوار برخ ( هبط ) . قالوا هاظا (هذا) كذاب ونصاب. حطوه (وضعوه) ع ظهر الجمل. مشي الجمل اشويه (قليلا) . قال الجمل أنا في بالي أرقص. قاله الحمار:

- يا زلمة بتوقعني(بتسقطني).

قاله الجمل:

- مثل ما غنيت بدي أرقص. هز حاله الجمل. وقع الحمار عن ظهر الجمل إلاّ رقبته مكسوره. يم أخذوا الجمل. وهاي الحكاية
]

من طرف **الطائرالحر** الجمعة سبتمبر 09, 2011 12:46 am

مشكور اخي ناصرعلى القصه الجميله وبارك الله فيك دائما تبهرنا بجديدك

الجمل والحمار

الجمل والحمار

رد: الجمل والحمار