شـق ابوعاذرة - تجمع عائلة ابو عاذرة
خاص بعائلة أبوعاذرة فقط .. للمشاركه الرجاء اضغط على التسجيل

إن كيدهن عظيــــــــــــــــــــــــــــم

استعرض الموضوع السابق استعرض الموضوع التالي اذهب الى الأسفل

إن كيدهن عظيــــــــــــــــــــــــــــم

مُساهمة من طرف سبعاوي في السبت فبراير 05, 2011 5:06 am

كاااان يا ما كااااان في قديم الزماااان
ما يطيب الحكي إلا على ذكر الرسول عليه الصلاة والسلاااااام ...

نخرف ولا النااااام ..

لأ انا بدي أخرف ههه
كان في هالحجه مجوزه إبنها وفرحانه عليه ...والله بعثلها كنة يا دوووووب بتوكل بخرم الإبره مسكيييينه
وهي وإبنها وجوزها شفقنين على البنت كيف بتقيت حالها ...وكل ما قالتلها حماتها يا خالتي كولي تقلها لأ يا خالتي الحمد لله شبعت خلص الحمد لله...

يوم ورى يوووم والبنت على نفس الحال بس البنت بتنصح ...كيف العلم عند الله ..

قامت الحماه قالت إلا في قصه وراها هاي .. وزنها بيزيد وهي لا بتوكل ولا بتسخم ..والله لجيب قرارها ..

(( طبعا زمان
كانت النسوان نسوان تنزل على الحقل مع الزلام .. بس الكنة إظل بالدار لشغل الدار ))

يوووم عملت حالها الحماة طلعت من الدار الصبح كالعاده وتركت الكنة لحالها بالدار .. وسكرت الباب وشلحت من رجلها ونطت عاودت جوات الدار وتخبت ...

المهم تامنها أمنت الكنه إنو حماتها طلعت
وصارت تغني وتقول (( أطلب يا قليبي واااش تريد بيض مجعجل ولا ثريد ....بيض مجعجل أعجل وأعجل ((


يعني الأخت كاينه اول ما تطلع حماتها من الداااار تبلش تنقي وتختار بيض ولا ثريد .. وقال البيض أسرع بدها تووووكل ميته جوع ...
المهم شافتها ميييييييييييين .؟؟؟؟

شافتها حماتها ..... وهذيك متخبيه ولابده
وسمعتها .. قالتلها بسييييييطه أنا بداويكي ..


وطلعت من الدار بدون ما البنت تدرى إنها شافتها


روحو النااااس المغربيات كل واحد على دارو .. وروح الولد على الدار هو وإمو

جابت الكنه الأكل .. وبلشو بدهم يوكلووو ..وقامت الكنة طلعت الإبره كالعاده بدها توكل بخرمها ..

قالتلها يا خالتي لليش الإبره مهو (( بيض مجعجل أعجل وأعجل ))ولا لأ يا خالتي ..

هي الكنة سمعت هالكلااااام وحطت أصابعها بثمها .. قالتلها التوبه يا خالتي والله ما بعيدها قالتلها طيب ..بس كلي مثل الناس قدام جوزك خلي يشوووف

وقامت تشمر وإدب دبتك العافيه بالأكل والزلمه مش مصدق إلي بشوفوو هي هاي المره نفسها إلي بتوكل بخرم الإبره ...


المهم تحملوني بأخر القصه ... وما بنقول إلا (( إن كيدهن عظيــــــــــــــــــــــــــــم ))

وإقبلووو احر السلامات مني
...
avatar
سبعاوي
ابو عاذرة مميز

ذكر عدد المساهمات : 66
تاريخ التسجيل : 04/02/2011

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى